viernes, 18 de mayo de 2018

A biodiversidade no Golfo Ártabro


O vindeiro martes, 22 de maio, o Castelo de Santa Cruz, no Concello de Oleiros, acollerá unha xornada formativa titulada 'O Golfo Ártabro, biodiversidade e benestar humano', organizada polo Ceida. Á inauguración do evento, que está dirixido a profesionais de actividades relacionadas co medio mariño e a poboación xeral interesada no sector, asistirá en representación do GALP Golfo Ártabro Sur,  José Garrote Martín.

O Golfo Ártabro está conformado pola confluencia das Rías de A Coruña, Betanzos, Ares e Ferrol, cun litoral de máis de 200 km de lonxitude que abrangue a 16 concellos. Este espazo marítimo e litoral alberga un rico patrimonio natural e cultural, unha gran variedade de hábitats e ecosistemas e unha elevada biodiversidade: valiosísimos fondos e pradeiras mariñas, dunas e lagoas costeiras, poboacións de golfiños e baleas, flora e fauna ameazadas, algunhas das colonias de aves mariñas máis importantes da Península Ibérica, Espazos Naturais Protexidos, etc.

O obxectivo desta xornada é sensibilizar á sociedade no seu conxunto e a colectivos específicos relacionados co medio mariño acerca do valor da biodiversidade e servicios dos ecosistemas litorais e mariños e o patrimonio marítimo do Golfo Ártabro, para o fomento de usos, actividades e prácticas sostibles no medio mariño.

A entrada ao evento é de balde pero as prazas son limitadas, infórmate en formacion@ceida.org, na web www.ceida.org ou no 981630618

martes, 15 de mayo de 2018

Aberto o prazo para solicitar as axudas do GALP Golfo Ártabro Sur




O prazo para optar ás axudas do Grupo de Acción Local do Sector Pesqueiro Golfo Ártabro Sur​ ao abeiro da súa Estratexia de Desenvolvemento Local Participativo está aberto ata o 1 de marzo de 2020.

O GALP Golfo Ártabro Sur conta con 3 millóns de euros para levar a cabo a súa Estratexia de Desenvolvemento Local Participativo. Entre os obxectivos deste plan está a mellora da competitividade do sector pesqueiro e o fomento do emprego, polo que se tes un proxecto, produtivo ou non produtivo, relacionado co sector podes optar a estas subvencións.

No espazo web do GALP ( adxuntar ligazón https://galp.xunta.gal/golfo-artabro-sur/documentacion) atoparás a documentación básica para presentar a túa iniciativa, xunto coa normativa e manuais para coñecer o procedemento.

Non agardes máis! 

jueves, 3 de mayo de 2018

Desactivar para: gallego Coñece a Ruta dos Faros desde o teu ordenador

A Ruta dos Faros de Galicia, un proxecto dos Grupos de Acción Local do Sector Pesqueiro (GALP) de Galicia e da marca turística MarGalaica, conta cun itinerario de 1.175 kilómetros. Todo este traxecto está perfectamente explicado na rede, onde o proxecto conta con fiestras nos diferentes formatos: web, blog e redes sociais.

A web, https://rutadosfaros.gal/, é un espazo moderno, visual e intuitivo, onde poderás atopar o plano da ruta e diferentes clasificacións das mellores rutas e 'selfies'. Ademais, na páxina poderás atopar un blog onde se explicarán temas relacionados coa ruta e cos lugares ou puntos que atoparás ao seu paso.

Por outra banda, tamén existe unha páxina de fans oficial da Ruta dos Faros de Galicia (@RutaFarosGalicia), na que poderás atopar información de actualidade relacionada co itinerario e coa súa contorna, ademais de interaccionar cos xestores do sitio para consultar calquera dúbida.

Bótalles unha ollada!

jueves, 26 de abril de 2018

O GALP Golfo Ártabro Sur levará a pleno os orzamentos e a proposta de actividades de 2018


O GALP Golfo Ártabro Sur celebrará mañá, venres 27 de abril ás 18.00 en primeira convocatoria e ás 18.30 horas en segunda, a reunión ordinaria da Asemblea Xeral de Socios no salón de plenos do Concello de Sada.  

A orde do día inclúe, entre outros, a aprobación da acta da asemblea do 2017, o informe de presidencia, a memoria económica e de actividades do pasado ano e, por último, os orzamentos, a proposta de actividades, e os proxectos de cooperación e subvencións do 2018.

Unha vez rematada a asemblea, haberá unha acción formativa, ás 19.00 horas, sobre cooperación en base ao patrimonio cultural marítimo e subacuático nas costas do Golfo Ártabro, así como nas oportunidades de dinamización económica a través do patrimonio somerxido e costeiro asociado.

martes, 24 de abril de 2018

Xornada de Emprendemento en Turismo Mariñeiro en Vigo



O vindeiro venres, 4 de maio, o Salón de Actos da Delegación Territorial da Xunta de Galicia en Vigo acollerá unha xornada técnica de emprendemento en turismo mariñeiro. Este evento é a primeira fase do proxecto 'Mar das Illas Atlánticas' promovido polos tres Grupos de Acción Local Pesqueira de Pontevedra: GALP Ría de Pontevedra, GALP Ría de Arousa e GALP Ría de Vigo - A Guarda.

Segundo destacan na súa memoria, este proxecto consiste en 'promover a actividade do turismo mariñeiro entre o colectivo de mariñeiros e seus familiares nas Rías Baixas de Galicia, especialmente no ámbito do Parque Nacional Marítimo Terrestre das Illas Atlánticas de Galicia a través da información e asistencia ao desenvolvemento de ditas actividades e formación como intérpretes do patrimonio marítimo‐costeiro facendo fincapé no Parque Nacional de forma que ao mesmo tempo se lles ensine a forma de amosar aos visitantes o patrimonio natural do Parque'.

Nesta primeira sesión tratarase de informar e amosar ao sector pesqueiro o proxecto e os diferentes aspectos vinculados ao desenvolvemento das actividades dun turismo mariñeiro sostible e de calidade.

Logo, nas seguintes fases do proxecto formarase aos profesionales do mar para a actividade de Guías do Parque Nacional, editaranse guías e manuais e implementarase unha rede de comunicación para dar a coñecer o proxecto.

Podes anotarte para participar nas xornadas a través da seguinte ligazón: http://mardasillas.com/inscriccions-xornada-tecnica-4-de-maio/

jueves, 19 de abril de 2018

A Ruta dos Faros estrea nova app cunha función que indica os mellores lugares para as selfies


A nova aplicación móbil da Ruta dos Faros xa está dispoñible na Play Store. Esta ferramenta converterase, sen lugar a dúbidas, na compañeira de viaxes ideal, ofrecendo un plano detallado da ruta e listaxes das actividades, empresas, camiños, praias, portos, restaurantes e aloxamentos que os viaxeiros se encontrar ao longo do percorrido. Con todo, unha das súas funcionalidades máis orixinais é o Top 100 Selfies, coa que os aventureiros poderán autofotografarse nos mellores enclaves e ter así un recordo inesquecible desta experiencia. 

lunes, 16 de abril de 2018

Roteiro guiado por Bergondo



O Concello de Bergondo e a Asociación ELAS organizan para o día 5 de maio un roteiro guiado titulado 'Banzos de mulleres'. Os participantes realizarán varias paradas representativas por lugares do municipio visibilizando ás mulleres bergondesas en diferentes ámbitos: cultura, emprego, deporte, política, literatura...

A guía será Mercedes Queixas e a ruta comezará ás 10 horas, momento no que o autobús sairá da Senra. Ao remate do camiño e volta ao edificio realizarse unha degustación de produtos interculturais.

O prazo para anotarse estará aberto do 16 ao 27 de abril e a inscrición debe formalizarse no Departamento de Servizos Sociais do Concello de Bergondo.